Ukrayna ordusunun 225-ci Əlahiddə Hücum Briqadasının əsgərləri Çeşenistandan olan “Axmat” hərbi birləşməsinin döyüşçülərini əsir götürüb.
Bu barədə Ukrayna və Rusiya “teleqram” kanalları məlumat yayıblar. Həmçinin, əsir götürülən “kadırovçular”ın videogörüntüləri yayımlanıb. Onlar Qroznıdan olduqlarını və “Axmat”ın tərkibində döyüşdüklərini etiraf ediblər. “Kadırovçular” adətən arxa xətlərdə xidmət apardıqları, “qaynar nöqtələr”ə göndərilmədikləri və Rusiya ordusunda bir növ “toxunulmaz” statusuna malik olduqlarından onların əsir düşməsi heç də tez-tez rast gəlinən hal deyil.
Məlumatda qeyd olunur ki, gəlcəkdə əsir mübadiləsi üçün “kadırovçular” xüsusi əhəmiyyət kəsb edirlər. Çünki onlar daha “qiymətli” sayılırlar və adətən ilk növbədə onların dəyişdirilməsi üçün Rusiya tərəfi əlindən gələni edir.
Відео державного проєкту "Хочу жить": як стверджується, на ньому полонені бійці "Ахмата", яких захопили в Курській області РФ pic.twitter.com/YNkHGhOakD
— Українська правда ✌️ (@ukrpravda_news) August 11, 2024
