Yevlax Rayon Polis Şöbəsinin təşkilatçılığı ilə rayonun 2 saylı tam orta məktəbində narkomaniya əleyhinə maarifləndirmə tədbiri keçirilib.
Stopnarkotik.az xəbər verir ki, tədbirdə çıxış edənlər narkotik asılılığının törətdiyi fəsadlarla bağlı məlumat veriblər, insan həyatına və sağlamlığına vurduğu zərərlərdən ətraflı söhbət açıblar. Həmçinin narkotik vasitələrin qanunsuz dövriyyəsi ilə məşğul olan şəxslərə qarşı aparılan əməliyyat tədbirləri haqda da məlumat verilib.
Sonda narkotiklərin törətdiyi fəsadlardan bəhs edən video çarx göstərilib və iştirakçıları maraqlandıran suallar cavablandırılıb.
Stopnarkotik.az