Türkiyənin müxtəlif şəhərlərində 1 May – Əmək və Həmrəylik Günü münasibətilə keçirilən aksiyalar zamanı 409 nəfər saxlanılıb.
Stopnarkotik.az xəbər verir ki, bu barədə Türkiyənin daxili işlər naziri Əli Yerliqaya mətbuata açıqlamasında deyib.
O bildirib ki, 78 vilayətdə təşkil edilən 212 aksiyaya ümumilikdə 286 min 584 nəfər qatılıb.
Nazirin sözlərinə görə, İstanbulda 407, Tokatda 1, Vanda 1 nəfər polislər tərəfindən saxlanılıb.
Yerliqaya əlavə edib ki, aksiyalar zamanı təhlükəsizliyin təmin edilməsi üçün 122 min 777 nəfər polis əməkdaşı xidmətə cəlb edilib.
