Masallı rayonunun Musaküçə kənd sakini, 1998-ci il təvəllüdlü Elməddin Kərimovu bıçaqlayaraq qətlə yetirməkdə şübhəli bilinən şəxs saxlanılıb.
Bu barədə Stopnarkotik.az-a DİN-in Mətbuat Xidmətinin regional qrupundan məlumat verilib.
Məlumata görə, keçirilən əməliyyat-axtarış tədbirləri nəticəsində saxlanılan şəxs Masallı rayon sakini, 2000-ci il təvəllüdlü Höccət Soltanovdur.
Faktla bağlı araşdırma aparılır.
***18:51
Masallı rayonunda 25 yaşlı gənc bıçaqlanaraq qətlə yetirilib.
Stopnarkotik.az xəbər verir ki, hadisə Musaküçə kəndində qeydə alınıb.
Belə ki, həmin kəndin sakini, 1998-ci il təvəllüdlü Elməddin Kərim oğlu Kərimov yaralı halda, təcili yardım xidmətinin köməyi ilə xəstəxanaya çatdırılıb. Həkimlərin müdaxiləsinə baxmayaraq, onun həyatını xilas etmək mümkün olmayıb.
Qətlin hansı səbəbdən törədildiyi hələ ki məlum deyil.
Faktla bağlı Masallı Rayon Prokurorluğunda araşdırma aparılır.
