“Lotos” kimi tanınan Anton Yelizarov “Vaqner” özəl hərbi şirkətində rəhbər vəzifəsinə gətirilə bilər.
Stopnarkotik.az konkret.az-a istinadən xəbər verir ki, bu barədə “Exo Moskvı”nın keçmiş baş redaktoru Aleksey Venediktov Telegram kanalında məlumat verib.
O bildirib ki, “Vaqner” PMC-nin yaradıcısı Yevgeni Priqojin əvvəllər müxtəlif ssenarilər üzərində işləyib. O cümlədən muzdlulara – Priqojin, Utkin, Çekalovun rəhbərliyinin aradan qaldırılacağı ilə bağlı gizli təlimat hazırlayıb. Onun planına görə, “Lotos” təxəllüslü komandir Anton Yelizarov Vaqnerə rəhbərlik etməli idi. Hazırda Priqojinin bu təklifi üzərində xəbərlər dolaşır.
Anton Yelizarov 2016-cı ildə Vaqnerə qoşulmuş 10-cu QRU briqadasının keçmiş kapitanıdır. O, Suriya, Mərkəzi Afrika Respublikası və Ukraynada hərbi əməliyyatlarda iştirak edib. 2022-ci ildə prezident Putinin fərmanından sonra Rusiya Qəhrəmanı adına layiq görülüb.