Türkiyədə evdən külli miqdarda narkotik maddə aşkarlanıb.
Stopnarkotik.az lent.az-a istinadən xəbər verir ki, polisə A.H. və A.T.-nın külli miqdarda narkotik gətirməsi barədə məlumat daxil olub. Bundan sonra hüquq-mühafizə orqanlarının əməkdaşları 15 gün onları izləyiblər.
Prokurorluğun təlimatı ilə gecə yarı Antalya şəhəri Kəpəz qəsəbəsində binalardan birində keçirilən əməliyyat zamanı cinayətkar ələ keçirilib. Xüsusi təyinatlı itlərin iştirakı ilə evdə aparılan axtarış zamanı döşəmənin altından sellofan torbalara yığılan 50 kilo heroin aşkar edilib.
A.H. və A.T. saxlanılaraq istintaqa təhvil verilib.
