ABŞ Məxfi Xidməti cümə axşamı Ağ Evdə kokain aşkarlanması ilə bağlı Konqresə məlumat verəcək. Stopnarkotik.az bildirir ki, bu barədə “Axios” xəbər portalı xəbər verir.
“Axios məlumatına görə, ABŞ Məxfi Xidməti Konqresə Ağ Evdə kokain tapılması barədə məlumat verəcək... Bu planla tanış olan Respublikaçı patiyasının iki məsləhətçisinin sözlərinə görə, brifinq işçilər səviyyəsində səhər saat 10-da baş tutacaq”, deyə portal xəbər verir.
Narkotik maddənin tapılmasından ötən günlər ərzində onun sahibini müəyyən etmək hələ mümkün olmayıb, üstəlik, onun tapıldığı yerlə bağlı ifadələr də dəyişib. Belə ki, əvvəlcə Ağ Evdəki mənbələr narkotikin kitabxanada tapıldığını, sonra qərb tərəfində yerləşən rəsmi qəbul otağından tapdıqlarnı, son məlumata görə isə onun rezidensiyanın qərb qanadının girişindəki şkafda tapıldığını bildiriblər.
Stopnarkotik.az