Polis əməkdaşlarının həyata keçirdikləri əməliyyat zamanı Zaqatala rayon sakini İskəndər Musayevi döyərək onun ölümünə səbəb olan şəxslərdən biri, 36 yaşlı Rasim Abbasov saxlanılıb.
Bu barədə Stopnarkotik.az-a DİN-in Mətbuat xidmətinin regional qrupundan bildirilib.
"Digər şəxsin tutularaq istintaqa təhvil verilməsi istiqamətində tədbirlər davam etdirilir", məlumatda deyilir.
Xatırladaq ki, Zaqatalada bir həftə əvvəl tanışları tərəfindən ölümcül döyülən İ.Musayev dünən xəstəxanada ölüb. İ.Musayevin döyülərək komaya düşməsinə dözməyən atası Yusif Musayev isə bir neçə gün öncə ürək çatışmazlığından vəfat etmişdi.
