Yanvarın 29-da saat 5 radələrində Sumqayıt şəhərində yerləşən evlərin birində 1993-cü il təvəllüdlü Səbinə Abışovanın kəsici alətlə qətlə yetirilməsi barədə polisə məlumat daxil olub.
Daxili İşlər Nazirliyinin Mətbuat Xidmətinin əməkdaşı polis leytenantı Lumu İsrəfilli Stopnarkotik.az-a bildirib ki, qadının cinayət əməlini törətməkdə şübhəli bilinən əri, əvvəllər məhkum olunmuş, 1989-cu il təvəllüdlü Ağabala Babışov polis əməkdaşları tərəfindən saxlanılıb.
Araşdırma aparılır.
***
Hadisə ilə bağlı Sumqayıt şəhər prokurorluğu məlumat yayıb.
Məlumatda deyilir ki, yanvarın 29-u saat 4 radələrində Sumqayıt şəhəri ərazisində 1993-cü il təvəllüdlü Səbinə Babışovanın öldürülməsi barədə şəhər prokurorluğuna məlumat daxil olub.
Araşdırma zamanı 1989-cu il təvəllüdlü Ağabala Babışovun yaşadıqları evdə bıçaqla xəsarətlər yetirərək arvadı Səbinə Babışovanı qəsdən öldürməsinə əsaslı şübhələr müəyyən edilib.
Faktla bağlı Sumqayıt şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Ağabala Babışov iş üzrə şübhəli şəxs qismində tutulub.
İbtidai istintaq davam edir.
***08:59
Sumqayıtda qətl hadisəsi baş verib.
Hadisə Sumqayıt şəhəri, 12-ci mkr-da qeydə alınıb.
Hadisə zamanı ər Ağababa Babışovun arvadı 1993-cü il təvəllüdlü həyat yoldaşı Səbinə Babışovaya çoxlu sayda bıçaq zərbəsi yetirərək öldürdüyü bildirilir.
Hadisə ilə bağlı araşdırma başladılıb.
