20 may 2026-cı il tarixində Samux rayonunun Lək kəndində keçirilən yas mərasimində baş verən hadisə ilə əlaqədar Azərbaycan Qida Təhlükəsizliyi Agentliyinin regional bölməsinin əməkdaşları tərəfindən araşdırma aparılıb.
Stopnarkotik.az xəbər verir ki, bu barədə AQTA-dan məlumat verilib.
“Məlum olub ki, özlərini narahat hiss edən 21 nəfərə tibb müəssisəsində yardım göstərildikdən sonra evə buraxılıblar. Hadisənin səbəblərinin müəyyənləşdirilməsi məqsədilə mərasimdə təqdim olunan, məişət şəraitində hazırlanan qidalardan müayinələrin aparılması üçün nümunələr götürülərək laboratoriyaya təqdim edilib. Araşdırmalar davam etdirilir”.
Xatırladaq ki, dünən Samux rayonunun Lək kəndində yas mərasimində kütləvi zəhərlənmə olub.