Ağdaşda qəsdən adam öldürməkdə şübhəli bilinən şəxs tutulub.
Ağdaş rayon prokurorluğundan Stopnarkotik.az-a verilən məlumata görə, dekabrın 7-si saat 1 radələrində Ağdaş rayonu ərazisində 1968-ci il təvəllüdlü Araz Hacıyevin öldürülməsi barədə rayon prokurorluğuna məlumat daxil olub.
Araşdırmalarla 1973-cü il təvəllüdlü Rövşən Rüstəmlinin aralarında yaranmış mübahisə zamanı qonşusu Araz Hacıyevə küt alətlə xəsarətlər yetirərək qəsdən öldürməsinə əsaslı şübhələr müəyyən edilib.
Faktla bağlı Ağdaş rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, Rövşən Rüstəmli iş üzrə şübhəli şəxs qismində tutulub.
***09:40
Ağdaş rayonunda 1968-ci il təvəllüdlü Hacıyev Araz Mahir oğlunu öldürməkdə şübhəli bilinən 1973-cü il təvəllüdlü Rüstəmli Rövşən Rüstəm oğlu polis əməkdaşları tərəfindən saxlanılıb.
Bu barədə Stopnarkotik.az-a DİN-in mətbuat xidmətinin regional qrupundan bildirilib.
İlkin məlumata görə, hadisə şəxsi münasibətlər zəminində baş verib. Qeyd edək ki, Rüstəmli Rövşən mərhumun qonşusu olub
***04:38
Dekabrın 7-də saat 01 radələrində Ağdaş rayonunda 1968-ci il təvəllüdlü Hacıyev Araz Mahir oğlunun küt alətlə yetirilən xəsarətlərdən ölməsi barədə polisə məlumat daxil olub.
DİN-in mətbuat xidmətinin regional qrupundan Stopnarkotik.az-a bildirilib ki, cinayət əməlini törətməkdə şübhəli bilinən şəxsin, yaxud şəxslərin saxlanması istiqamətində polis əməkdaşları tərəfindən tədbirlər görülür.
Əlavə məlumat veriləcəkdir.
