ABŞ Dövlət Departamenti dünən Tehranda keçirilən "3+3" formatı çərçivəsində Azərbaycan, Türkiyə, Ermənistan, Rusiya və İran xarici işlər nazirlərinin görüşünə münasibət bildirib.
Stopnarkotik.az xəbər verir ki, departamentin mətbuat katibi Metyu Miller ABŞ-ın Tehranda keçirilən görüşü alqışladığını bəyan edib.
O qeyd edib ki, ABŞ harada keçirilməsindən asılı olmayaraq, Cənubi Qafqazda sülh və sabitliyə töhfə verməyi hədəfləyən istənilən görüşü alqışlayır.
“Biz bu danışıqların harada keçirilməsindən və ya ona kimin ev sahibliyi etməsindən asılı olmayaraq, Cənubi Qafqaz xalqları üçün sülh və sabitliyə töhfə verən istənilən xoşniyyətli iştirakı alqışlayırıq. Yeri gəlmişkən, biz İran və Rusiya ilə əlaqədar Cənubi Qafqazın həssas coğrafi mövqeyini tanıyırıq, lakin biz bu ölkələri etibarlı tərəfdaş kimi görmürük”, - Miller vurğulayıb.