Şirvanda qəbiristanlıqdan oğurluq edənlər saxlanılıb.
Stopnarkotik.az xəbər verir ki, Şirvan Şəhər Polis Şöbəsinin əməkdaşları tərəfindən keçirilən tədbirlərlə şəhər ərazisində yerləşən qəbiristanlıqdan dəmir barmaqlıqlar oğurlayan şəhər sakinləri O.Mustafayev və H.Vəliyev saxlanılıblar.
Həmin şəxslərin ümumi dəyəri 850 manat olan barmaqlıqları oğurladıqdan sonra əlvan metalların qəbulu məntəqəsinə satdıqları müəyyən edilib.
Faktla bağlı cinayət işi açılıb, araşdırmalar davam etdirilir.
