Sabirabadda itkin düşən yeniyetmənin meyiti tapılıb.
Daxili İşlər Nazirliyinin Mətbuat Xidmətinin Şirvan regional qrupunun baş inspektoru, polis kapitanı Nizam Həmidov Stopnarkotik.az-a bildirib ki, avqust ayının 8-də Sabirabad Rayon Polis Şöbəsinə və Qaragüney Polis Bölməsinə rayonun Muğan Gəncəli kənd sakini, 2007-ci il təvəllüdlü R.Məlikzadənin itkin düşməsi barədə məlumat daxil olub.
Polis əməkdaşları tərəfindən keçirilən axtarış tədbirləri nəticəsində R.Məlikzadənin cəsədi bu gün səhər saatlarında Kür çayının Muğan Gəncəli kəndi ərazisindən keçən sahilindən aşkarlanaraq aidiyyəti üzrə təhvil verilib.
Faktla bağlı araşdırmalar aparılır.
***09:19
Sabirabad rayonunda 16 yaşlı oğlan itkin düşüb.
Hadisə avqustun 8-də rayonun Muğan Gəncəli kəndində qeydə alınıb.
Belə ki, 2007-ci il təvəllüdlü Rafət Məlikzadə Kür çayı qırağına heyvanları otarmaq üçün evdən çıxıb gedib, lakin geri qayıtmayıb. Çayın kənarında ona məxsus paltarlar aşkarlanıb.
Daha sonra R.Məlikzadənin atası hüquq-mühafizə orqanlarına məlumat verərək oğlunun itkin düşdüyünü bildirib.
Faktla bağlı araşdırma aparılır.