Xəbər verdiyimiz kimi, Ermənistan Milli Təhlükəsizlik Xidməti və Rusiya Federal Təhlükəsizlik Xidmətinin Sərhəd Departamentinin birgə həyata keçirdikləri əməliyyat nəticəsində İrandan Ermənistana külli miqdarda narkotik və silah partiyasının keçirilməsinə cəhdin qarşısı alınıb.
Stopnarkotik.az xəbər verir ki, saxlanılan avtomobil qaçaqmalçılıqla Ermənistan Respublikası Milli Təhlükəsizlik Xidmətinin Sünik Regional İdarəsinin xüsusi mühafizə olunan ərazisinə gətirilib, əməliyyat-axtarış tədbirləri nəticəsində oradan 20 ədəd müxtəlif bağlamaya “ Ümumi çəkisi 10 kiloqramdan artıq olan heroin, “metamfetamin” və “marixuana”, habelə 2 ədəd xarici ölkədə istehsal olunmuş döyüş tapançası, 20 ədəd patron aşkar edilib.
Yükü Ermənistan sərhədinə çatdıran İran vətəndaşının kimliyi müəyyən edilməyib.
Faktla bağlı araşdırmalar davam edir.
*** 11:09
Ermənistan Milli Təhlükəsizlik Xidməti və Rusiya sərhədçilərinin birgə həyata keçirdikləri əməliyyat tədbirləri nəticəsində 3 Ermənistan vətəndaşı saxlanılıb.
Stopnarkotik.az xəbər verir ki, saxlanılan şəxslərdən ümumi çəkisi 10 kq-dan çox olan 20 müxtəlif bağlamada narkotik vasitə və 2 tapança götürülüb.