“Milyarder İlon Maskın şəxsi təyyarəsi Ben Qurion hava limanına enib”.
Bu barədə İsrail mətbuatı xəbər verir.
Məlumata görə, amerikalı milyarder səfər zamanı İsrailin baş naziri Benyamin Netanyahu, prezident İsaak Hersoqla görüşəcək, həmçinin oktyabrın 7-də HƏMAS-ın hücumundan zərər çəkmiş Kibbutz Beerini ziyarət edəcək.
BBC xəbər verir ki, X şəbəkəsinin sahibi İlon Mask noyabrın 15-də bu şəbəkədə “böyük əvəzetmə nəzəriyyəsi”nin konspirasiya nəzəriyyəsini təsvir edən tvit müəllifini dəstəkləyib. Bu nəzəriyyəyə görə, yəhudilər və solçular Avropa və Şimali Amerikanın ağdərili əhalisini cənub ölkələrindən gələn mühacirlərlə əvəz etmək üçün dünya miqyasında sui-qəsd hazırlayırlar.
Şəbəkəsində 164 milyon izləyicisi olan İlon Mask sui-qəsd nəzəriyyəçisinə “Dedikləriniz əslində doğrudur” deyə cavab verib. Hətta Ağ Ev də bu açıqlamanı qınayıb və dünyanın ən böyük şirkətlərindən bir neçəsi keçmiş Twitter-də reklamı dayandırıb.
