Binəqədi rayonu ərazisində avtomobildən oğurluq olub. Polisə müraciət edən qadın sürücü “KİA” markalı avtomobilindən 1670 manat, 3000 dollar, 2 ədəd mobil telefon və kosmetik vasitələr olan çantanın oğurlandığını bildirib.
Stopnarkotik.az xəbər verir ki, Binəqədi RPİ 43-cü Polis Bölməsi əməkdaşlarının həyata keçirdikləri tədbirlərlə oğurluq əməlini törətməkdə şübhəli bilinən, əvvəllər də oğurluq və narkotiklərlə əlaqəli cinayətə görə məhkum olunmuş 1975-ci il təvəllüdlü Zakir Əliyev müəyyən olunaraq saxlanılıb. *Onun avtomobildən etdiyi oğurluq müşahidə kameraları vasitəsi ilə də lentə alınıb.*
Faktla bağlı araşdırma aparılır.
Z.Əliyevin qanunsuz əməllərindən zərərçəkən başqa şəxslər varsa bu barədə polisə müraciət edə bilərlər.
Stopnarkotik.az