Bakıda Nizami küçəsində bəzi marketlərdə vətəndaşlara ƏDV çekinin verilmədiyi iddia olunur.
Baku TV-nin əməkdaşları sözügedən marketlərdən məhsul alaraq məsələni aydınlaşdırmağa çalışıblar.
Məlum olub ki, marketlərdən alınan məhsulların məbləği az olanda kassirlər müştəriyə istəmədikləri halda kassa çeki təqdim etmirlər.
"Müştəri çox olanda, yaxud məbləğ az olduğu üçün çek vermirik", - deyə market əməkdaşları açıqlamalarında bildiriblər.
Hətta marketlərdən birinin əməkdaşı jurnalistlərə rüşvət təklif etməkdən belə çəkinməyib.