Ağdamda baş verən bıçaqlanma hadisəsini törətməkdə şübhəli bilinən Abdullasoylu Həsən Zaur oğlu polis tərəfindən saxlanılıb.
Stopnarkotik.az xəbər verir ki, o, Ağdam Dövlət Sosial-İqtisadi Kollecinin ikinci kurs tələbəsidir.
*** 21:26
Ağdamda bıçaqlanma hadisəsi baş verib.
Stopnarkotik.az xəbər verir ki, sözügedən hadisə bu gün rayonun Quzanlı qəsəbəsində, Ağdam Dövlət Sosial-İqtisadi kollecinin inzibati binasının qarşısında qeydə alınıb.
Belə ki, mübahisə zəminində Ağdam rayon sakinləri 2007-ci il təvəllüdlü Şirinov Turan Aqşin oğlu və 2005-ci il təvəllüdlü Allahverdiyev Yaqub Elnur oğluna bıçaq xəsarətləri yetirilib.
Hadisəni törədən şəxs və ya şəxslərin saxlanılması istiqamətində polis tərəfindən əməliyyat-axtarış tədbirləri həyata keçirilir.
