Kolumbiya və ABŞ birgə 441 milyon ABŞ dolları dəyərində 10 ton kokain daşıyan sualtı qayığı məhv etdi və dörd qaçaqmalçını şübhəli qismində saxlayıb.
Stopnarkotik.az xəbər verir ki, Karib dənizində keçirilmiş əməliyyat ABŞ-ın Beynəlxalq Narkotik və Hüquq-mühafizə İşləri İdarəsi tərəfindən sosial media vasitəsilə təsdiqləndi.
Əməliyyat Kolumbiya Prezidenti Qustavo Petro ilə ABŞ Prezidenti Donald Tramp arasında Ağ Evdə keçirilən yüksək səviyyəli görüşdən bir neçə gün sonra baş verib. Kolumbiya Müdafiə Naziri Pedro Sançez hakimiyyət orqanlarının bütün narkotik qaçaqmalçılarını heç bir fərq qoymadan təqib edəcəyini bildirdi, Petro isə məqsədinin ABŞ-dan sertifikat almaq yox, nəzarət-təftişi və siyasətin effektivliyini gücləndirmək olduğunu açıqladı.
Kolumbiya-ABŞ birgə əməliyyatı bölgədəki transmilli narkotik şəbəkələri ilə mübarizə və qanunsuz kokain daşınmalarının qarşısını almaq üçün davam edən əməkdaşlığı nümayiş etdirir.
ABŞ ofisi sosial mediada "güclü ittifaqların möhkəm nəticələr verdiyini" vurğulayaraq, Kolumbiya və ABŞ arasında davamlı əməkdaşlığın Latın Amerikasında narkotik qaçaqmalçılığının qarşısının alınması və mütəşəkkil narkotik şəbəkələrinin dağıdılması üçün əsas olduğu mesajını bir daha təsdiqləyib.
Stopnarkotik.az