İmişli rayonunda Araz çayında batan 11-ci sinif şagirdinin meyiti tapılıb.
Stopnarkotik.az xəbər verir ki, bu barədə FHN məlumat yayıb.
Bildirilib ki, çayın İmişli rayonu, Rəsullu kəndi ərazisindən keçən hissəsində batan 2009-cu il təvəllüdlü Mirişli Turan Mirağa oğlunun meyiti FHN-in dalğıcları tərəfindən batdığı yerdən 500 metr məsafədə sudan çıxarılaraq aidiyyəti üzrə təhvil verilib.
Qeyd edək ki, Turan Mirişli iyunun 7-də Araz çayının İmişli rayonu, Rəsullu kəndi ərazisindən keçən hissəsində suda boğulub və onun axtarışları üçün FHN-in Kiçikhəcmli Gəmilərə Nəzarət və Sularda Xilasetmə Dövlət və Xüsusi Riskli Xilasetmə xidmətlərinin dalğıc-axtarış qrupları cəlb edilib.