ABŞ Prezidenti Co Bayden İsrail və Ukrayna məsələlərinə dair müraciət edib.
O, cümə günü Konqresə İsrail və Ukraynaya yardımın maliyyələşdirilməsi üçün təcili sorğu göndərəcəyini bildirib.
"Bu, gələcək nəsillər üçün, Amerikanın təhlükəsizliyi üçün dividendlər ödəyəcək ağıllı bir investisiyadır", Prezident deyib. ABŞ Prezidenti bu yardımın təfərrüatlarını açıqlamayıb, lakin əlavə edib ki, bu, “görünməmiş” olacaq.
Çıxışın əsas məqamları:
"Kütləvi məzarlıqları, işgəncə izləri olan meyitləri unutmuruq. Təcavüzdən ruslar silah kimi istifadə ediblər. Minlərlə ukraynalı uşaq Rusiya tərəfindən valideynlərindən oğurlanıb".
"HƏMAS və Putin fərqli təhdidlər yaradırlar. Amma onların ortaq cəhətləri var: onlar qonşu demokratiyanı tamamilə məhv etmək istəyirlər. Həmas üçün varlıq məqsədi İsraili məhv etmək və yəhudiləri öldürməkdir. Eyni zamanda Putin bunu inkar edir ki, Ukrayna dövlətçiliyi var və ya olub. O, Ukraynanı SSRİ-nin yaratdığını iddia edir”.
"Bu, Amerika üçün niyə vacibdir? Tarix öyrədir ki, diktatorlar təcavüzün əvəzini ödəmədikdə, onlar daha çox xaos, terror və daha çox dağıntı gətirirlər. Onlar davam edir, Amerika və dünya üçün təhlükə artır".
"Putinin hakimiyyət və Ukrayna üzərində nəzarət “susuzluğunu” dayandırmasaq, o, özünü təkcə Ukrayna ilə məhdudlaşdırmayacaq. Putin artıq Polşaya torpaqlarının bir hissəsinin "Rusiyanın hədiyyəsi" olduğunu "xatırlatmaqla" hədələyir. Prezident Estoniya, Latviya və Litvanı “Baltikyanı əyalətlər” adlandırdı.
Əgər biz geri çəkilib, Putinə Ukraynanın müstəqilliyini silmək imkanı versək, bütün dünyada təcavüzkarlar bunu etmək istəməzlərmi?”
"Ukraynalıların işləri yaxşı gedir. Putin Ukraynanı işğal edəndə düşünürdü ki, bir neçə günə Kiyevi və bütün Ukraynanı ələ keçirəcək. Bir ildən çox vaxt keçdi - Putin uğursuzluğa düçar oldu. O, uğursuzluğa düçar olmaqda davam edir. Kiyev hələ də ayaqdadır. Ukrayna Rusiyanın bir vaxtlar “işğal etdiyi” ərazilərin 50%-dən çoxunu zəbt edib”.
"Biz HƏMAS kimi terrorçuların və Putin kimi tiranların qalib gəlməsinə icazə verə bilmərik və verməyəcəyik. Mən buna icazə vermirəm. Belə anlarda biz kim olduğumuzu xatırlamalıyıq. Biz Amerika Birləşmiş Ştatlarıyıq! Və edə bilməyəcəyimiz heç bir şey yoxdur. Bunu birlikdə etsək."/azpolitika.info
