Türkiyənin Ankara şəhərində aparılan əməliyyatda külli miqdarda narkotik həbi və sintetik narkotik istehsalında istifadə ediləcək çoxlu miqdarda prekursor xammal müsadirə edilib.
Stopnarkotik.az xəbər verir ki, Ankara Polis İdarəsinin Narkotik Cinayətləri Şöbəsinin qrupları narkotik istehsalı ilə bağlı araşdırma çərçivəsində Çankaya rayonunda təyin olunmuş ünvanda əməliyyat keçiriblər.
Əməliyyat zamanı 358.100 narkotik həbi istehsal etmək üçün 107 kiloqram 430 qram preqabalin xammalı və 334 kiloqram sintetik kannabinoid (bonzai) istehsal etmək üçün yetəcək 3 kiloqram 340 qram amfetamin müsadirə edilib. Axtarışlar zamanı qruplar həmçinin 30.520 narkotik həbi, 29.730 boş kapsul, bir həb presləmə maşını və yeddi dəqiq tərəzi müsadirə ediblər.
Müsadirə edilən materialların çoxlu miqdarda narkotik istehsalında istifadə üçün hazırlandığı güman edilir.
Əməliyyat çərçivəsində dörd şübhəli saxlanılıb. Şübhəlilərə qarşı narkotik maddələrin istehsalı və ticarəti ilə bağlı cinayətlərə görə məhkəmə prosesi başlanıb. Təhlükəsizlik Baş İdarəsi Ankara Polis İdarəsinin Narkotik Cinayətləri ilə Mübarizə Şöbəsi qruplarını, Narkotik Cinayətləri İdarəsini və əməliyyatda iştirak edən şəxsi heyəti təbrik edib.
Stopnarkotik.az