Naməlum bir treyder Venesuela prezidenti Nikolas Maduronun hakimiyyətdən kənarlaşdırılacağına dair mərc edərək, təxminən 410 min dollar gəlir əldə edib.
Stopnarkotik.az musavat.com-a istinadən xəbər verir ki, bu barədə Reuters məlumat yayıb.
Məlumata görə, anonim hesab Polymarket platformasında cəmi bir ay əvvəl peyda olub. Treyder artıq 27 dekabr tarixində ABŞ-ın 31 yanvaradək Venesuelaya müdaxilə edəcəyi ssenarisi üzrə kontraktlar almağa başlayıb. İlkin mərclərin həcmi cəmi 96 dollar olub, lakin növbəti günlərdə məbləğ mərhələli şəkildə artırılıb.
Hadisə maliyyə və siyasi dairələrdə suallar doğurub: bu, sadəcə uğurlu təsadüfdür, yoxsa kimsə hadisələrin gedişi barədə digərlərindən daha çox məlumatamı malik idi?
