İsveçdə 20 yaşlı futbolçu qətlə yetirilib.
Stopnarkotik.az xəbər verir ki, hadisə şənbə günündən bazar gününə keçən gecə Örebro şəhərinin qərbindəki yaşayış massivində baş verib. Silahlı insident barədə məlumat alan bir neçə polis patrul xidməti əraziyə göndərilib və hadisə yerində çoxsaylı güllə yaraları alan gənc aşkar edilib. O, xəstəxanaya aparılsa da, həkimlər onun həyatını xilas edə bilməyiblər.
Ölən şəxs yerli “Forvard” klubunun qapıçısı Huqo Mosshaqen olub.
“Expressen”in məlumatına görə, polis idmançının qətlini səhv kimi araşdırır – əsas fərziyyə budur ki, hədəf futbolçunun çevrəsinin başqa bir üzvü olub. Hüquq-mühafizə orqanlarının əməkdaşları Mosshaqenin dəstələrlə əlaqələrindən xəbərsiz olduqlarını qeyd ediblər.
Hazırda heç kim həbs olunmayıb və polisdə şübhəli şəxs yoxdur. Hazırda evdə axtarış və dindirmələr aparılır və polis ərazidəki müşahidə kameralarından görüntülər də toplayıb./publika.az
